RSS icon Bullet (black)
  • Bihar, abenduak 3, Euskararen Nazioarteko Eguna izango da.

    Posted on 2 abendua, 2013 No comments

    Euskararen Nazioarteko Eguna abenduaren 3an izaten da, Xabierko Frantzisko deunaren egunean. Frantzisko 1552ko abenduaren 3an hil zen eta, kondairak dioenez, hil aurreko azken hitzak bere ama-hizkuntzan izan ziren, hots, euskaraz.

    1949an Eusko Ikaskuntzak ezarri zuen egun hau euskararen nazioarteko egun gisara. 1995ean Eusko Jaurlaritzak eta Euskaltzaindiak bat eginik, Euskararen Nazioarteko Eguna instituzionalizatu egin zuten.

    2005. urtean Nestor Basterretxea artista euskaldunak diseinatu zuen urteurrenaren sinboloa bilakatuko zen hurrengo logoa:

    image_highlight

    Sailkatu gabea
  • Euskaraz errodatutako thrillerra, Alaba zintzoa

    Posted on 1 abendua, 2013 No comments

    Pasaden ostiralean, azaroaren 29an estreinatuko da euskaraz errodatutako Alaba Zintzoa film luzea zinema aretoetan. Javier Rebollo eta Alvar Gordejuelak zuzendutako film honetan Susanaren istorioa kontatzen da, ama gaixoaren ardura daukan garbitzaile gaztearena. Susana lanez lan dabil, besteek zikindu dutena garbitzen, amaren zaharren egoitzako kuotak ordaindu ahal izateko. Gainera aitaren trikimailuak eta nagusien mespretxuak jasan behar izaten ditu etengabe. “Gazte baten laneko eta familiako arazoen inguruko drama moduan hasten dena baina, inguruko guztiengana zabalduko den amesgaizto psikologiko” bihurtzen da Rebollo zuzendariaren hitzetan. Susanak ez daukan hori desiratuko du: dirua. Maria Eugenia Salaverri ekoizle eta gidoigileak filmaren gidoiak “oinarri dokumental sendoa” duela adierazi du. Bertan agertzen diren sekuentzia eta pertsonaia berezi eta interesgarrienetako batzuk benetako pertsona eta gertaeretan oinarrituta daude.

    Notixei

    Alvar Gordejuela gidoigile eta zuzendariak aktoreen lana nabarmendu du. Leire Uchak ez ezik, beste aktore guztiek ere izugarrizko lana egin zutela aipatu du eta Itziar Lazkanok egindako lana filman nabari dela ere gehitu du. Itziar Lazkanok, Susanaren amaren pertsonaia egiteko hainbat denbora eman zuen zaharren egoitzetan “bertatik bertarako lana eginez”. Errodajea hasi aurretik hainbat entsegu egin zituzten eta horrek lana erraztu zuela aipatu dute bai zuzendari gazteak, bai filmeko protagonistak.

     

    Denek esperientzia polita izan dela nabarmendu dute.

     

    Beste behin euskara edozein esparrutan erabiltzeko gai dela eta ziur oso lan ona dela. Filmaren “making of”-a ikusi nahi izanez gero, hemen txertatuta dago horren bideoa.

    http://www.youtube.com/watch?v=0PJLUmtMgaM

    Sailkatu gabea
  • Finlandiako Poliziak 95.000 euroko isuna jarri dio enpresari bati gehiegizko abiaduran gidatzeagatik

    Posted on 1 abendua, 2013 No comments

    Enpresari batek 95.000 euroko isuna jaso du gehiegizko abiaduran gidatzeagatik. Finlandiako Poliziak isuna hau jarri zioten Mariehamn hiriko gune batean orduko 77 kilometroko abiaduran joateagatik, onartutakoa baino 27 gehiago zelarik.

    Baina, zergatik isun hain erraldoia? Bada trafikoko-hauste larrientzat, legedi finlandiarrak arau-hauslearen irabazien araberako isun sistema bat ezartzen duelako, azkeneko errenta aitorpenean azaltzen denarekin bat datorrena.

    Onartutako gehienezko abiadura %15 edo gehiago gainditzea arau-hauste larria suposatzen du, eta “isun egun” kopuru jakin batekin zigortzen du; hau da, urteko irabaziak urteko lanegunen artean zatituta. Beraz, zenbat eta arau-hauste larriagoa, orduan eta isun handiagoa.

    Aipatzekoa da isun handia izan arren, ez dela Finlandiako Poliziak ezarri duen multarik handiena. 2002an, exekutibo bati 116.000 euroko isuna jarri zioten Helsinkiko erdialdean ziklomotor batekin orduko 75 kilometroko abiaduran joateagatik, onartutako gehienezko abiadura orduko 50 kilometrokoa izanki. Hala ere, helegitea jarri ostean, 6.000 eurora jaitsi zioten multa.

    Sailkatu gabea
  • ‘Erria txikota’ lelopean antolatuko du Oriok 2014ko Kilometroak

    Posted on 24 azaroa, 2013 No comments

    Orioko Herri Ikastolak izango du 2014ko Kilometroak antolatzeko ardura. Urriaren 5ean egingo da Gipuzkoako ikastolen aldeko festa eta herriko itsas ondareari lotutako ekitaldi ugari prestatuko dituzte urte guztian zehar.

    Hilabete pasatxo baino ez da igaro Tolosako Laskorain Ikastolak 2013ko Kilometroak ospatu zuenetik. Hala ere, Gipuzkoako ikastolen aldeko aldarriak ez du atsedenerako tartetik. Orioko Herri Ikastolak antolatuko du 2014ko festa, eta dagoeneko, martxan da urte guztiko lanaz arduratuko den lantaldea. Erria txikota izango da leloa, euskal kostaldeko herri arrantzaleetan ohikoa den esaera zahar bat.

    Urriaren 5ean izango da euskaltzaleen urteroko hitzordua, eta data iritsi bitartean, ekitaldi asko prestatuko dituzte, herriaren itsas ondareari lotuta denak. Arrantzaleen izaera eta auzolanaren presentzia “erabatekoa” izango dela azaldu dute antolatzaileek: “Jaiaren ardatz izango dira”.

    Lehenengo ekitaldia pasaden ostiralean egin zen, festaren aurkezpen ofizial gisa. Iluntzeko 20:00etan izan zen Karela kiroldegian, eta 60 lagunetik gora taularatu ziren; besteak beste, dantzan, kantuan, narrazioan, antzerkigintzan, arropa desfilean eta bestelako eginkizunetan aritu ziren  ikastolako ikasle eta irakasleak.  Ikuskizunak ordubete inguru iraun zuen, eta aurtengo leloa eta irudia ere bertan jakinarazi zituzten.

    Zigor Saizar Orioko Herri Ikastolako zuzendariak adierazi du Oriok baduela esperientzia horrelako jai erraldoi batean. Izan ere, 2004an Zarauzko hainbat ikastetxerekin elkarlanean prestatu zuen urte hartako Kilometroak festa. Dena den, orduko “olatua”, oraingoan “tsunamia” bihurtuko dela esan du Saizarrek, jaialdia bakarrik antolatzearen lan zamaz jakitun.

    Sailkatu gabea
  • SAMAIN

    Posted on 24 azaroa, 2013 No comments

    Kartela

    Lekua Letren Fakultatea

    Herria Vitoria-Gasteiz

    Probintzia Álava

    Hasierako eguna 2013/11/28

    Amaiera eguna 2013/11/28

    Hasierako ordua 17:30

    Iturria Letren Fakultatea

    Antolatzailea Centro de Estudos Galegos da Facultade de Letras (UPV/EHU)

    http://www.letrak.ehu.es/p245-content/eu/contenidos/evento/samain/eu_info/samain.html

    Sailkatu gabea
  • Aurrekontu txikiagoa Durangoko Azokarentzat

    Posted on 24 azaroa, 2013 No comments

    48. Durangoko Azoka, Euskadiko euskal liburu eta diskoen azokarik garrantzitsuena, abenduaren 5etik 8ra ospatuko da aurten. 533 nobedade eta 130 ekitaldiko programa izango ditu, nahiz eta aurrekontua %10 txikiagoa izan, aurreko urtearekin konparatuz.
    Nerea Mujikak, antolakuntza zuzendariak, gero eta boluntario gehiago beharko dituztela adierazi du.
    Landako eraikinean 122 argitaletxe instalatuko dira, zenbait diskografia eta beste erakunde batzuk, guztira 238 direlarik, 2012an baino hamabost gutxiago.
    Argizaiola saria William A. Douglasek, antrolopolo amerikar batek,  jasoko du abenduaren 6an, Renoko Unibertsitatean euskal ikasketen zentro baten sustatzailea izateagatik, eta horrela euskal kutura Estatu Batuetan zabaltzeagatik.
    Aurten kultura eskoziarra da gonbidatua, eta honen inguruan zenbait aktibitate garatuko dira; hala nola, mahai borobil bat non eskoziarrak 2014ko autodeterminaziorako erreferendumerako deialdira nola heldu diren azalduko den.
    durango

    Sailkatu gabea
  • Bruselak 2014ko aurrekontuan murrizketa gehiago egiteko eskatu dio Espainiari

    Posted on 17 azaroa, 2013 No comments

    Europako Batzordeak murrizketa gehiago egiteko eskatu dio Gobernu espainiarrari, ohartaraziz Espainak 2014rako aurkeztu duen aurrekontuaren zirriborroak Egonkortasun eta Hazkunderako Ituna ez errespetatzeko arriskua duela, beharbada ez duelako defizitaren helburua beteko eta gomendaturiko egiturazko hobekuntza lortzea ere ez duelako aurreikusten.

    Hori dela eta, Europako Batzordeak agintari espainarrei aholkatu die aurrekontuaren prozeduran zehar 2014rako kontu publikoetan Egonkortasun Plana osorik betetzeko, beharrezko neurriak hartuz.

    Bruselak egindako udazkeneko aurreikuspenen arabera, Espainiak %5,9ko defizita izango du aurrekontuan, ezarritako helburua baino zertxobait gehiago (Europako Batzordeak ezarritako helburua %5,8koa baita).

    Sailkatu gabea
  • Posted on 17 azaroa, 2013 No comments

    Aitor Sarriegik irabazi du Oiartzungo finalaurrekoa

    688 puntu lorturik, Beasaingo bertsolari honek Oiartzunen jokatu den Euskal Herriko Bertsolaritza Txapelketa Nagusiko hirugarren finalaurrekoa irabazi du bigarren itzulirako sailkatuz. Finalaurrekoa Donostian, azaroaren 24an izango da.

    Lehen hiru finalerdiak jokatu ostean, hiru bertsolari finalerdietako bigarren itzulirako sailkatu dira: Amets Arzallus, Igor Elortza eta Aitor Sarriegi.

     

    Aitor-Sarriegi-Oiartzun-finalaurrekoa-Bertsozale-Elkartea_foto610x342

    Sailkatu gabea
  • Jendetsua izan da AHTaren aurkako manifestazioa, Iruñean

    Posted on 17 azaroa, 2013 No comments

    Tarta jaurtitzaileei babesa ematera 5.000 lagun inguru gerturatu dira, antolatzaileen arabera. Bost eta bederatzi urteko kartzela zigorrari egin behar diote aurre Mugitu taldeko lau kidek etzi, Barcina Nafarroako presidenteari tartak botatzeagatik.

    Mantso joan da manifestazio jendetsua Iruñeko kaleetatik, eta ozen aritu dira tarta jaurtitzailei gertatutakoa salatzen, aurrekaririk ez duen zigorraren kontrako oihuak egiten. Baluarten zintzilikatu da pertsona bat parkarta bat luze jartzeko, herritarrek AHTaren beharrik ez dutela erakutsiz. Gaztelu plazaraino entzun dira aldarrikapenak, eta Mugitu taldeko kideen absoluzioa eskatu dute.

    Ibon Garciak, Gorka Obejerok, Julio Villanuevak eta Mikel Alvarezek, tartalari ezizena umorez hartzen dute, ezin baita, haien ustez, beste modu batera hartu gertatzen ari zaiena. Europako edozein herritan falta batean geratuko zena, Espainiako Auzitegi Nazionalean espetxe zigorra bilaka daiteke etzi, eta 5.400 euroko isuna,Yolanda Barcina Nafarroako presidenteari tartak botatzeagatik.

    2011ko urrian Pirinioetako Lan Komunitatearen bileran gertatutakoa, Tolosan (Okzitania), “desobedientzia ekintza” izan zen, “AHTan erabiliko den dirutzaz ohartarazi” besterik ez zutela egin nahi defendatzen dute. “Desproportzioa” dela uste dute epaileak  jar lekiekeen zigorra, eta bi arrazoi ikusten dituzte “gehiegizko zigor” horren atzean: “Botere faktikoek klase politika gotortzeko duten beharra” batetik, eta bestetik, Barcinak berak esku hartu izana gertatutakoan. Foruzaingoa bere zerbitzura jarri zuen Garcia, Obejero eta Villanueva atxilotzeko, Espainiako sistema penala ezartzeko, “autoritateei atentatua” leporatuz, eta ez Frantziakoa, dirutan ordainduko litzatekeen “falta”.

    Mikel Alvarezek, berriz, “beharrezko kolaboratzaile” izateari egingo dio aurre. Tarta jaurtitekaren biharamunean prentsaurrekoa eman zuen Alvarezek, beste hiruren izenean, atxilotuta baitzeuden.

    Sailkatu gabea
  • Seaska eskuz esku ariko da Unescorekin etorkizunean baina Frantziak aurreratu du ezin duela berretsi Europako Hizkuntza Gutxituen Ituna

    Posted on 10 azaroa, 2013 No comments

    Seaskak salatu du Frantziak nazioarteko itunak sinatu bai baina ez dituela betetzen, gutxiengoen existentzia ukatzen baitu.

    Pozik atera zen Seaska azaroaren 6an Unescoren 37. Konferentzia nagusian hitza hartu ondoren. Honek Frantzian dauden hizkuntza gutxituen eta haurren hizkuntza eskubideen alde borrokatu nahi du.

    Seaskako lehendakariak, Paxkal Indok, adierazi zuen, haurren eskubideak bermatzeko nazioarteko itun ugari izenpetu dituela Frantziak, baina gero ez dituela indarrean jartzen haren herrialdean. Indok salatu egiten du, Frantziak eskubide horiek defendatu egiten dituela atzerriko lurraldeetan, baina berean ez duela inolako aldaketarik egiten, ezta iraganena egiteko asmorik ere, eta Frantzian hizkuntza gutxiturik ez balego bezala jokatzen dutela.

    Nazioarteko itun horien arabera, haur guztiek haien ama hizkuntza ikasteko eskubidea dute, baina Frantziak ez duenez onartzen gutxiengorik existitzen denik, euskaraz, katalanez, korsikeraz, bretoieraz, okzitanieraz edo alsazieraz ikas nahi duten haurren eskubideak ez ditu errespetatzen, izan ere frantsesa da hizkuntza ofizial bakarra eta irakaskuntza publikoan derrigorrez ikasi behar dena. Indok adierazi zuen jokabide hori onartezina zela eta zinatutako eta onartutako itun horiek martxan jartzeko eskatu zion Frantziari.

    Unescoren batzarrean parte ostean eta bertan lehengo urratsak emanik, Indok jakinarazi zuen, etorkizunean nazioarteko erakundearekin lanean jarraituko duela, Frantziaren politika aldatzen lortzeko.

    Sortu den mugimendu hau, hizkuntza gutxitu hauen irakaskuntzaren eta ofizialtasunaren alde, manifestazioa antolatu zuen azaroaren 30ean Maulen, Frantziako gobernuari aldaketak eskatuz eta beste bat antolatu du jada abenduaren 28rako.

    Aurelie Filippettti Frantziako Kultura eta Komunikazio ministroak jakinarazi du Frantziako Gobernuaren iritziz ezinezkoa dela Europako Hizkuntza Gutxituen ituna berrestea, konstituzioko 1 eta 2 artikuluekin talka eginen lukeelako.

    Eskualdeetako hizkuntzen egoera gobernuaren “kezka” dela dio ministroak, gogoratuz adituen batzorde bat ezarri zuela plantan. Bertze alde batetik, diputatu berdeek hizkuntza gutxituen aldeko lege proposamena sartu dute Frantziako Parlamentuan, Estatu Kontseiluaren “muturreko jakobinismoa” salatuz.

    Sailkatu gabea